ભરૂચ જિલ્લાના અલગ અલગ પોલીસ સ્ટેશન કુલ પાંચ ગુનામાં વોન્ટેડ ભરૂચના કુખ્યાત પ્રોહી બુટલેગર રાહુલ કિશોર કયસ્થ તથા છેલ્લા બે વર્ષથી કુલ છ ગુનામાં વોન્ટેડ જયેશ રમણ પટેલ તથા ચાર ગુનામાં વોન્ટેડ અક્ષય વસાવાને ભરૂચ ખાતેથી ભરૂચ એલ. સી. બી. પોલીસે ઝડપી પાડ્યા હતા.
ભરૂચ જિલ્લામાં પ્રોહિબિશનનાં ગુનાઓમાં લાંબા સમયથી વોન્ટેડ આરોપીઓને ઝડપી પાડવા ભરૂચ લોકલ ક્રાઇમ બ્રાન્ચની અલગ અલગ ટિમો બનાવી ચક્રો ગતિમાન કરવામાં આવ્યા હતા.
મળેલ બાતમીને આધારે બુટલેગર રાહુલ કિશોર કાયસ્થ તથા જયેશ રમણ પટેલ તથા અક્ષય વસાવાનાઓને ચાવજ રાધે રેસીડન્સી ભરૂચ ખાતેથી એલ.સી.બી. દ્વારા ઝડપી પાડવામાં આવ્યા હતા.
ત્રણેય આરોપીઓની પૂછપરછ કરતા રાહુલ ભરૂચ જિલ્લાના પાંચ જેટલાં પ્રોહી ગુનામાં તથા જયેશ ભરૂચ જિલ્લાના છ જેટલાં પ્રહી ગુનામાં તથા અક્ષય ભરૂચ જિલ્લાના ત્રણ ગુનામાં તથા સુરત શહેર ઈચ્છાપુર પોલીસ સ્ટેશનના એક પ્રોહી ગુનામાં વોન્ટેડ હોવાની હકીકત સામે આવી હતી. તમામ આરોપીઓની કાયદેસરની કાર્યવાહી કરી ભરૂચ તાલુકા પોલીસ સ્ટેશનમાં ગુનો નોંધી આગળની તપાસ હાથ ધરી હતી.
