ભરૂચ.
ભરૂચ સી ડિવિઝન પોલીસને ચોક્કસ બાતમી મળી હતી કે, ગુલબીના ટેકરાનીચે નર્મદા નદી કિનારે આવેલાં જાહેર શૌચાલય પાસે કેટલાંક શખ્સોએ જાહેરમાં જુગારની મહેફિલ જમાવી છે. જેના આધારે ટીમે તુરંત સ્થળ પર દરોડો પાડતાં જુગારિયાઓમાં નાસભાગ થઇ હતી. જોકે, ટીમે 6 જુગારિયાઓને ઝડપી પાડ઼યાં હતાં. જેમાં તેમના નામ જશવંત ગણેશ વસાવા, ઇમરાન ઇકબાલ મન્સુરી, અર્જૂન વીનુ ઓડ, હિતેશ કનુ વસાવા, જયંતિ નાનસંગ રાઠોડ તેમજ રોહન રાજેશ વસાવાને પોલીસે ઝડપી પાડ્યાં હતાં.પોલીસે જુગારિયાઓની અંગ જડતીમાાંથી તેમજ દાવપર લાગેલાં રૂપિયા મળી કુલ 13 હજારથી વધુની રોકડ તેમજ 5 મોબાઇલ મળી કુલ 38 હજારથી વધુનો મુદ્દામાલ જપ્ત કર્યો હતો. ટીમે તમામ જુગારિયાઓ સામે જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરી છે.
