ચોમાસાની સિઝન પૂરી થવાને આરે છે ત્યારે અંકલેશ્વર નગરપાલિકા દ્વારા અંકલેશ્વર પંથકમાં રસ્તા બનાવાની કામગીરી હાથ ધરવામાં આવી છે ત્યારે વોર્ડ નંબર 1 માં બિસ્માર હાલતમાં પડેલા બે રસ્તાઓની કામગીરી હાથ ધરવામાં આવી છે.
અંકલેશ્વર નગરપાલિકા વિસ્તારના વોર્ડ નંબર ૧ ના બે રસ્તાનું ખાતમુહર્ત કરાયું. આજરોજ અંકલેશ્વરમાં આવેલા વોર્ડ નંબર ૧ માં બે રોડનું રસ્તાનું ખાતમુહર્ત કરવામાં આવ્યું હતું જેમાં મહાવીર નગર પાસે અંબિકા નિકેતનનો બિસ્માર રસ્તો રૂપિયા 5,11,000/-ના ખર્ચે તૈયાર કરવામાં આવશે તે સહિત અન્ય રસ્તો શ્રી દર્શન સોસાયટીનો રૂપિયા 4,68,000/-નો રસ્તો તૈયાર કરવામાં આવી રહ્યો છે. તેમ 10 લાખનાં ઉપરાંતન બે રસ્તાઓનું ખાતમુહર્ત કરવામાં આવ્યું હતું. કાર્યક્રમ દરમિયાન ઉપસ્થિત નગરપાલિકા પ્રમુખ વિનય વસાવા, ઉપપ્રમુખ કલ્પનાબેન મેરાઈ તેમજ શહેર ભાજપ પ્રમુખ નરેન્દ્રભાઈ પટેલ તેમજ વોર્ડ નંબર 1 ના સભ્ય નિલેશ ભાઈ પટેલ, કિંજલબા ચોહાણ તેમજ ભાજપના કાર્યકર્તા ઉપસ્થિત રહ્યાં હતાં.
મુકેશ વસાવા, અંકલેશ્વર
