શિલ્પા શેટ્ટીના પતિ રાજ કુંદ્રાની 19 જુલાઈના રોજ ધરપકડ કરવામાં આવી હતી. રાજ કુંદ્રા હજી પણ જેલમાં બંધ છે. રાજ કુંદ્રા પર પોર્ન ફિલ્મ બનાવવાનો તથા પ્રસારિત કરવાનો આક્ષેપ છે. આ સંદર્ભમાં શિલ્પા શેટ્ટીની પણ પૂછપરછ કરવામાં આવી હતી. આ કેસમાં શિલ્પા શેટ્ટીની ઘણી જ બદનામી થઈ હતી. હવે ચર્ચા છે કે શિલ્પા શેટ્ટી પતિ રાજ કુંદ્રાથી અલગ રહેવાનું વિચારી રહી છે. જો અહેવાલો પર વિશ્વાસ કરવામાં આવે તો શિલ્પાના એક મિત્રએ કહ્યું કે રાજ કુન્દ્રાની મુશ્કેલીઓ ઓછી થવાનું નામ નથી લઈ રહી.
સાથે જ તેણે એ પણ ખુલાસો કર્યો કે રાજનું રહસ્ય સામે આવ્યા બાદથી શિલ્પા આઘાતમાં છે. શિલ્પાના મિત્રએ કહ્યું કે, “શિલ્પાને ખ્યાલ નહોતો કે આ હીરાજવેરાત અને ડુપ્લેક્સ અપ્રમાણિકતની કમાણી માંથી આવી રહ્યા છે.” તેણીએ ઉમેર્યું, “શિલ્પા રાજ કુન્દ્રાના પૈસાને સ્પર્શ કરવા પણ માંગતી નથી. શિલ્પા કામ કરે છે અને તે તેના બાળકોની સંભાળ રાખવા માટે પૂરતી છે.”
તેના મિત્રએ એમ પણ કહ્યું કે શિલ્પાએ ઇન્ડસ્ટ્રીમાં દરેકને કહ્યું છે કે તે ‘હંગામા 2’ અને ‘નિકમ્મા’ પછી ફિલ્મો કરવા માટે તૈયાર છે. અનુરાગ બાસુ અને પ્રિયદર્શને પહેલેથી જ તેમને તેમની ફિલ્મો માટે ભૂમિકાઓ ઓફર કરી છે. શિલ્પાએ એમ પણ કહ્યું હતું કે બીજા OTT પ્લેટફોર્મ પર રહેલું કન્ટેન્ટ વધુ અશ્લીલ છે. નિવેદન આપ્યા બાદ શિલ્પાએ મુંબઈ પોલીસને કહ્યું હતું કે તેના પતિ પર લગાવવામાં આવેલા આરોપો યોગ્ય નથી. તેણે પોર્ન તથા ઇરૉટિક વચ્ચેનો ડિફરન્સ બતાવવાનો પ્રયાસ કર્યો હતો.
