અંકલેશ્વર પંથકમાં ચોરીના બનાવો વધવા પામ્યા છે. અંકલેશ્વર શહેરી વિસ્તારમાં ફરી વખત વાહનચોર ટોળકી સક્રિય થવા પામી છે. અંકલેશ્વર પંથકના મોદીનગર વિસ્તારમાં એક લકઝુરીયર્સ કારને નુકશાન પહોંચાડી તે સાથે જ વધુ એક સ્વીફ્ટ કારની ચોરી કરી ચોરો નાસી ગયા હતા જેથી વિસ્તારમાં ચકચાર મચી જવા પામ્યો છે.
પોલીસ સૂત્રોથી બનાવ અંગે મળતી માહિતી અનુસાર અંકલેશ્વર શહેર પોલીસ સ્ટેશન વિસ્તારમાં છેલ્લા કેટલાક સમયથી ચડ્ડી-બનિયાનધારી ગેંગ અને વાહન ચોર ટોળકી સક્રિય થવા પામી છે. હજી ગત બે દિવસ પહેલા જ ઘટના સામે આવી હતી ત્યાં તો ફરી એક વખત વાહન ચોરીની ઘટના પ્રકાશમાં આવી છે. જેમાં ગતરોજ રાત્રીના સમયે મૂળ પંજાબના રહીશ અને હાલ મોદીનગરમાં રહી રેલ્વેનું કામ કરતા રીન્કુભાઈની સ્કોર્પિયો ગાડી નંબર BR 01 PH 5628 ને નિશાન બનાવી હતી અને નુકશાન પહોંચાડયું હતું. જોકે સ્કોર્પિયો ગાડીને ચોરી કરી લઇ જવામાં તસ્કરોને નિષ્ફ્ળતા મળી હતી જેથી ગાડીને નુકશાન પહોચાડી અને અન્ય ગાડીને તસ્કરી કરવાની સાજીસને અંજામ આપવાનું કામ શરૂ કર્યું હતું.
તો બીજી બાજુ નજીકમાં પાર્ક કરેલ એક સ્વીફ્ટ કાર નંબર GJ-16-AP- 4723 ને તસ્કરોને ઉઠાવી જવામાં સફળતા મળી હતી. આ અંગેની જાણ બંને કારના માલિકોને થતા તેઓએ તાત્કાલિક શહેર પોલીસને જાણ કરી હતી. જેમાં પોલીસે તપાસ હાથ ધરી ગેંગને પકડવાની કામગીરી હાથ ધરી હતી.
મુકેશ વસાવા, અંકલેશ્વર
