અંકલેશ્વર : આમલાખાડી રેલવે ઓવરબ્રિજ નીચે મારૂતિ એસ્ટીમ કારમાં અચાનક આગ લાગી.

અંકલેશ્વર પીરામણ રોડ ઉપર આવેલ આમલાખાડી રેલવે ઓવરબ્રિજ નીચે મારુતિ એસ્ટીમ કારમાં અચાનક આગ લાગતાં જ ભારે દોડધામ મચી જવા પામી હતી.

ગાડી માલિક આરીફ અબ્દુલ ગફાર શેખ રહે મુંબઈ સોસાયટીના પોતાના કામ અર્થે ગાડી લઈ જઈ રહ્યા હતા તે દરમિયાન કાર નં. GJ 16 AP 1754 માં ધુમાડા નીકળતા અચાનક આગ લાગતા આજુબાજુના વાહનચાલકોએ આગ ઓલવવાની કોશિશ કરી તેમજ આગ વધતાં ફાયર બ્રિગેડને જાણ કરતાં તાત્કાલિક અસરથી આવી જતા આગને કાબૂમાં લીધી હતી અને કાર ચાલક સમય સૂચકતા વાપરી બહાર નીકળી જતાં આબાદ બચાવ થવા પામ્યો હતો.

મુકેશ વસાવા : અંકલેશ્વર