તાપી જિલ્લાના વ્યારા ખાતે વાલ્મિકી સમાજ વ્યારા દ્વારા આજરોજ કલેકટરશ્રી તાપીને વડોદરા જિલ્લાના સાવલી તાલુકાના પીલોલ ગામે અનુસૂચિત જાતિની વાલ્મિકી સમાજની બે બહેનો તૃપ્તિબેન અને પદમાબેન ગામમાં આવેલ માંડવડી ખાતે રાત્રી દરમિયાન ગરબા જોવા ગયેલ રાત્રી દરમિયાન ગરબાની રમઝટ માતાજીના ગરબા રમતા હોય ઉકત બંને અનુસૂચિત જાતિની બહેનોને ગરબા રમવાનું મન થયું આ બંને બહેનો ગરબા રમતી હતી તે દરમિયાન પીલોલ ગામના કહેવાતા સવર્ણ સમાજના અસામાજિક તત્વો દ્વારા બંને બહેનોને તેમના હાથ પકડીને ચાલુ ગરબા દરમિયાન ગરબાની બહાર ધક્કો મારીને કાઢી મુકવામાં આવેલ તથા તેમને જાતિવિષયક શબ્દો બોલી અપમાનિત પણ કરેલ આ બંને બહેનો પોતાના મહોલ્લામાં જઈને ફળિયાના સામાજિક આગેવાનોને પોતાના પર થયેલ આપવીતીની વાતો કહી આગેવાનઓના કહેવા મુજબ પોલીસ ફરિયાદ નોંધાવેલ પોલીસ ફરિયાદ થતા પોલીસ ઘટના સ્થળે આવી આ સામાજિક તત્વ પૈકી બે વ્યક્તિની ધરપકડ કરી તેમને પોલીસ સ્ટેશન લઇ ગયેલ.
આ બાબતના પ્રત્યાઘાત સંપૂર્ણ ગુજરાતમાં થતા તાપી જિલ્લાના વ્યારા ખાતે પણ વાલ્મિકી સમાજના આગેવાનો દ્વારા આજરોજ આવેદનપત્ર આપી સંપૂર્ણ ઘટનાને વખોડી કાઢી છે. આવેદનપત્ર આપવામાં વ્યારા વાલ્મિકી સમાજના અગ્રણી હેમંતભાઈ તરસાડીયા, અનિલભાઈ તરસાડીયા, રાજેશભાઈ મજલપુરિયા, યોગેશ પરમાર અને મહિલા અગ્રણી સમાજના નગરપાલિકાના સભ્ય નિમિષાબેન તરસાડીયા, દક્ષાબેન વાસીયા, પ્રશાંત હરણીયા વિગેરે લોકો હાજર રહ્યા હતા.
