અંકલેશ્વર મુખ્ય માર્ગ ઉપર વાલિયા તાલુકાના વાલિયા ચોકડી ઉપર આજે પણ મુખ્યમંત્રી તરીકેની હોલ્ડિંગ ઉપર વિજય રૂપાણીના ફોટા જોવા મળ્યા હતા. ગુજરાતના મુખ્યમંત્રી બદલાયા મહિનો થઇ ગયા છતાં પણ વાલીયા જેવા તાલુકામાં આજે પણ જાહેરાતનાં હોલ્ડિંગ ઉપર મુખ્યમંત્રી તરીકે વિજય રૂપાણી તેમજ ડેપ્યુટી મુખ્યમંત્રી તરીકે નીતિન પટેલના હોલ્ડિંગો જોવા મળી રહ્યા છે.
સરકારી બાબુઓની અવરજવર આ રસ્તા ઉપર હોવા છતાં પણ આવી જાહેરાતોના બોર્ડ પર નજર નથી પાડતા. શું સરકારી બાબુઓ એટલા બધા કામમાં બિઝી હોય છે. પ્રજાના પૈસે લગાવતા આ જાહેરાતના બોર્ડ સાચા બોર્ડ લગાવવા જોઈએ. ભુપેન્દ્ર પટેલ મુખ્યમંત્રી બન્યા બાદ સરકારી બાબુઓને ચેતવણી રૂપે કામગીરી કરવાની સૂચના આપી હોવા છતાં પણ સરકારી બાબુઓ કુંભકર્ણ નિંદ્રામાં હોય એવું લાગી રહ્યું છે.
Advertisement
મુકેશ વસાવા : અંકલેશ્વર
