અંકલેશ્વરની વાલિયા ચોકડી પાસે જોગિયા કોમ્પ્લેક્ષમાં એક ગેરેજમાં રીપેરીંગ માટે આવેલ બે રીક્ષાના 9 જેટલા ટાયરોની થયેલ ચોરીમાં શહેર પોલીસે બે શખ્સોની અટકાયત કરી ટાયરો કબ્જે કરી વધુ તપાસ હાથ ધરી છે.
પોલીસ સૂત્રીય માહિતી મુજબ અંકલેશ્વર જીઆઇડીસી એસટી ડેપો સામે આવેલ રોશન પાર્ક સોસાયટીમાં રહેતા સલીમ મુસ્તુફા અલી મુલ્લા નજીકમાં આવેલ વાલિયા ચોકડી પાસે જોગિયા કોમ્પ્લેક્ષમાં એક દુકાનમાં રીક્ષાનું ગેરેજ ચલાવે છે તેઓના ગેરેજમાં રીપેરીંગ માટે આવેલ બે રીક્ષા મૂકી હતી જેમાં એક રીક્ષામાંથી ચાર ટાયરો અને અન્ય એક રીક્ષાના પાંચ ટાયરો મળી નવ ટાયરોની ચોરી થઇ હતી. જે અંગે તેઓએ શહેર પોલીસ મથકમાં ફરિયાદ નોંધાવતા શહેર પોલીસે 9 હજારની કિંમતના 9 ટાયરોની ચોરીનો ગુન્હો નોંધી તપાસ હાથ ધરતા મળેલી માહિતીના આધારે જીઆઇડીસી પોલીસે ભડકોદ્રા ગામના સંગ્રામસિંહ ભારતસિંહ ચૌહાણ અને અંકલેશ્વરના તલાવડી ફળિયામાં રહેતા કિરણ ઉદેસીંગ વસાવાને ઝડપી પાડયા હતા અને શહેર પોલીસ મથકે જાણ કરતા શહેર પોલીસે ચોરીના ટાયરો સાથે બન્નેનો કબ્જો મેળવી વધુ તપાસ હાથ ધરી છે.
મુકેશ વસાવા : અંકલેશ્વર
