ભરૂચ : નેત્રંગનાં રહેણાંક વિસ્તારમાં દીપડો દેખાતા ભયનો માહોલ.

ભરૂચ જિલ્લાના નેત્રંગના રહેણાંક વિસ્તારમાં દીપડો દેખાતા લોકોમાં ભયનો માહોલ સર્જાયો હતો.

ભરૂચનાં નેત્રંગમાં એકાએક દીપડો દેખાતા આસપાસનાં લોકોમાં ભય ફેલાયો હતો. દીપડો દેખાતા તુરંત જ લોકોએ વનવિભાગનો સંપર્ક કર્યો હતો. આજે સવારે નેત્રંગનાં રહેણાંક વિસ્તાર જવાહર બજાર વિસ્તારની દુકાન પાસે દીપડો દેખાતા અહીંનાં રહેવાસીઓમાં ભયનો માહોલ વ્યાપી ગયો હતો. આ દીપડો કયાંથી આવ્યો? કેમ આવ્યો? સહિતની બાબતો તપાસનો વિષય છે. નેત્રંગ જવાહર બજારનાં રહેવાસીઓ દ્વારા વનવિભાગને દીપડાની જાણ કરતાં તેઓ તાત્કાલિક દીપડાને પાંજરે પુરવા માટેની તૈયારી સાથે જવાહર બજાર પહોંચ્યા હતા.