માંગરોળ તાલુકાના લુવારા ગામે રાત્રી દરમિયાન દીપડાએ ત્રણ વર્ષીય વાછરડીનું મારણ કર્યું હતું. લુવારા ગામે રહેતા આદિવાસી પશુપાલક બળવંતભાઇ રામુભાઇ વસાવાના આંગણામાં બાંધેલી ત્રણ વર્ષની વાછરડીનો દીપડાએ શિકાર કર્યો હતો. આ ઘટનાની જાણ લુવારા ગામના સરપંચ કાંતિભાઈ વસાવાએ વન વિભાગને કરતા વનવિભાગની ટીમ ઘટનાસ્થળે પહોંચી હતી અને દીપડાએ શિકાર કરેલ વાછરડીનું પી.એમ કરાવ્યું હતું તેમજ પશુપાલકને નુકશાનીનું વળતર મળે તેવી કાર્યવાહી વન વિભાગ દ્વારા કરવામાં આવી છે.
વિનોદ મૈસુરિયા : વાંકલ
Advertisement
