ભરૂચ જિલ્લાના પાલેજ ખાતે કાર્યરત સેવાભાવી ધી પાલેજ ચેરિટેબલ ટ્રસ્ટ દ્વારા વિધવા માતા બહેનોને જીવન જરૂરિયાતની ચીજવસ્તુઓનું વિતરણ કરવામાં આવ્યું હતું. પાલેજ નગરના લીમડા શેરી ખાતે આયોજિત કાર્યક્રમમાં ઉપસ્થિત આગેવાનોનું પુષ્પગુચ્છ અર્પણ કરી સ્વાગત કરવામાં આવ્યું હતું.
ત્યારબાદ સતત ૧૧ વર્ષથી કાર્યરત સેવાભાવી ધી પાલેજ ચેરિટેબલ ટ્રસ્ટના સેવાભાવી કાર્યો વિશે ગ્રામ પંચાયતના ઉપસરપંચ સલીમ વકીલ દ્વારા હાજરજનોને રસપ્રદ માહિતી પુરી પાડી હતી. ત્યારબાદ હાજર વિધવા માતા, બહેનોને વિવિધ ઘર વપરાશની ચીજવસ્તુઓનું વિતરણ કરવામાં આવ્યું હતું. કાર્યક્રમના અંતે હાજર વિધવા માતા, બહેનોને ભોજન કરાવી કાર્યક્રમનું સમાપન કરાયું હતું. આયોજિત વિતરણ કાર્યક્રમમાં વિધવા માતા, બહેનો હાજર રહ્યા હતા.
યાકુબ પટેલ, પાલેજ
Advertisement
