આવતીકાલે તા.૧૧ મી ડિસેમ્બર શનિવારના રોજ છોટાઉદેપુર જિલ્લાની જિલ્લા ન્યાયાલય તેમજ તાલુકા મથકોએ આવેલી ન્યાયાલયોમાં છોટાઉદેપુર જિલ્લા કાનૂની સેવા સત્તામંડળ દ્વારા નેશનલ લોક અદાલતનું આયોજન કરવામાં આવ્યું છે.
છોટાઉદેપુર જિલ્લા કાનૂની સેવા સત્તામંડળના સેક્રેટરી આર.પી.દેવેન્દ્ર તરફથી મળતી વિગતો અનુસાર છોટાઉદેપુર જિલ્લામાં આવેલી જિલ્લા ન્યાયાલય અને તાલુકા ન્યાયાલયોમાં યોજાનારી નેશનલ લોક અદાલતમાં જિલ્લાની કોર્ટમાં ચાલતા કેસોના પક્ષકારોને સમાધાનકારી વલણ અપનાવી સુખદ સમાધાન માટે વિનંતી કરવામાં આવી છે. જિલ્લાની તમામ બેન્કો અને વ્યાપારી સંસ્થાઓને પણ આ લોક અદાલતનો લાભ લેવા છોટાઉદેપુર જિલ્લા કાનૂની સેવા સત્તામંડળ તરફથી અનુરોધ કરવામાં આવ્યો છે. જિલ્લામાં યોજાનાર આ લોક અદાલતમાં સંબંધિત વ્યક્તિઓને તેનો યોગ્ય લાભ લેવા માટે હાજર રહેવા અનુરોધ કરવામાં આવ્યો છે.
ફૈજાન ખત્રી કલારાણી જિ.છોટાઉદેપુર
