શહેરા તાલુકામાં 56 જેટલી ગ્રામ પંચાયતની ચુંટણી યોજાવાની છે. ચુંટણીના આડે માત્ર દિવસ બાકી છે ત્યારે ચુંટણીમાં ઝંપલાવનારા ઉમેદવારોએ પ્રચારને વેગવંતો બનાવ્યો છે. ઉમેદવારો પોતાના સમર્થકોને સાથે લઈને ફળિયે ફળિયે ફરીને ડોર-ટુ ડોર પ્રચાર કરી રહ્યા છે. તાલુકાના છેવાડે આવેલા વલ્લભપુર ગામમા પણ ગ્રામ પંચાયતની ચુંટણી યોજાવાની છે. આ ચુંટણીમા ૮ જેટલા ઉમેદવારોએ પોતાની દાવેદારી પાકી કરાવી છે. વલ્લભપુર ગામમાં ચુટણીના એક ઉમેદવારને ઘડાનુ નિશાન મળ્યુ છે. ત્યારે તેમના સમર્થક દ્વારા ઘડો લઈને અનોખી રીતે પ્રચાર કરવામા આવી રહ્યો છે અને સાંકેતિક ભાષામાં ઘડાને મત આપવા જણાવી રહ્યા છે. પ્રચાર અન્ય ઉમેદવારો દ્વારા પણ કરવામા આવી રહ્યો છે પણ હવે જોવાનુ એ આઠ ઉમેદવારોમાંથી વલ્લભપુર ગામના મતદારો કોને મત આપીને વિજય બનાવે છે.
પંચમહાલ શહેરા રાજુ સોલંકી
Advertisement
