ભરૂચ પોલીસની આવકારદાયક કામગીરી.. જાણો કઈ..?

ભરૂચ પોલીસ દ્વારા ખૂબ આવકાદાયક કામગીરી કરવામાં આવી હતી. ભરૂચ જિલ્લા પોલીસવડા રાજેન્દ્ર સિંહ ચુડાસમાના માર્ગદર્શન હેઠળ એ ડિવિઝન પોલીસના પી આઈ એ કે ભરવાડ અને તેમના સ્ટાફે એવી કામગીરી કરી બતાવી હતી કે પોલીસ માત્ર સલાહ સૂચન આપવા માટે જ નહીં પરંતુ રહીશોની સેવા પણ કરે છે.

જેમ કે હાલમાં છેલ્લા ગણતરીના કલાકોમાં ત્રણ બનાવો એવા બન્યા જેમાં પતંગના દોરાથી મોપેડ કે બાઈક ચાલકના ગળા કપાયા. આ ત્રણ બનાવો પેકી એક બનાવમાં ગંભીર ઇજા પામેલ મહીલા અંકિતા મિસ્ત્રીનુ કરુણ મોત નીપજ્યું હતું. આવી પરિસ્થિતિમાં એ ડિવિઝન પોલીસ દ્વારા વાહન ચાલકોએ પતંગના દોરાથી રક્ષણ મેળવવાનુ સૂચન લોકોને કર્યુ. પરંતુ એ ડિવિઝનના પીઆઇ એ કે ભરવાડ અને તેમના સ્ટાફે એક પહેલ એવી કરી કે પાંચબત્તી ખાતે વાહન ચાલકોને મોપેડ અને બાઈક પર સુરક્ષા કવચ સમાન તાર લગાડી આપ્યા જેનાથી લોકોમાં એવી લાગણી થઈ કે સાચે જ પોલીસ પ્રજાના મિત્ર છે.