આણંદ જીલ્લાના બોરસદ ખાતે આવેલ હનીફા ઇંગ્લીશ મિડીયમ શાળાના મોહમ્મદરાશીદ પઠાણ નામના એક દિવ્યાંગ વિધ્યાર્થીએ જી મેઇનસ પરિક્ષા ૮૭.૨૯ ટકા સાથે પાસ કરતા આ વિધ્યાર્થી અભિનંદનને પાત્ર થયો હતો. આ દિવ્યાંગ વિધ્યાર્થી ધો.૧ થી જ આ શાળામાં અભ્યાસ કરે છે. વર્ષ ૨૦૨૨ ૨૩ માં લેવાયેલ જી મેઇનસ પરિક્ષામાં આ વિધ્યાર્થી સહિત કુલ પાંચ વિધ્યાર્થીઓ ઉચ્ચ ગુણ સાથે પાસ થતાં તેઓ હવે એનઆઇટી માં એડમિશન લેવા સક્ષમ હોવાનું જણાવાયું હતું. આ દિવ્યાંગ વિધ્યાર્થીએ વધારાની કોઇ કોચિંગ લીધા વિના આ પરિક્ષા ઉત્તીર્ણ કરી હતી. આ પ્રસંગે શાળાના ડાયરેક્ટર ઝુબેર ગોપલાની તેમજ પ્રિન્સિપાલ હરિન્દર ધિલોને આ દિવ્યાંગ વિધ્યાર્થી સહિત ઉત્તીર્ણ થયેલ તમામ વિધ્યાર્થીઓને અભિનંદન પાઠવ્યા હતા. વધુમાં જણાવાયું હતું કે આ વિધ્યાર્થી પઠાણ મોહમ્મદરાશીદને લોકોમોટિવ ડિસ-ઓર્ડરની બિમારી છે, અને તેના માટે બે વાર ઓપરેશન પણ થયેલ છે.
ગુલામહુશેન ખત્રી રાજપારડી જી.ભરૂચ
