આરોગ્ય મંત્રી ઋષિકેશભાઇ પટેલના હસ્તે અમદાવાદના કાંકરિયા સ્થિત એકા ક્લબ ખાતે આયોજિત ‘ ઓપ્ટિક એક્સ્પો – ૨૦૨૩’ નું ઉદ્ધાટન કરવામાં આવ્યું છે.
આ ઉદ્ધાટન પ્રસંગે આરોગ્ય મંત્રી ઋષિકેશભાઇ પટેલે કહ્યું કે, આજે ટેકનોલોજીની જરૂરિયાત છે . ગરમી હોય કે પછી ઠંડી દરેક સિઝનમાં આજે ચશ્માની ડિમાન્ડ વધી રહી છે. ચશ્મા આજે એક જીવન જરૂરિયાતની વસ્તુમાં ઉમેરાઈ ગયા છે. આમ આજે તમામ ટેકનોલોજીનો સમનવ્ય આ એક્સ્પોમાં જોવા મળી રહ્યો છે એમ તેમણે વધુમાં ઉમેર્યું હતું.
આ ‘ઓપ્ટિક એક્સ્પો -૨૦૨૩’ના ઉદ્ધાટન પ્રસંગે ધારાસભ્ય અમુલભાઈ ભટ્ટ, અમદાવાદ ઓપ્ટિકલ એસોસિએશનના પ્રેસિડેન્ટ નરેશભાઈ ચોકસી, વાઇસ પ્રેસિડન્ટ કાંતિભાઈ માળી, સેક્રેટરી કલ્પેશભાઈ અજમેરા તેમજ જોઈન સેક્રેટરી રિપુંજય પટેલ ઉપસ્થિત રહ્યા હતા.
અત્રે ઉલ્લેખનીય છેકે, આ ‘ઓપ્ટિક એક્સ્પો’માં કુલ ૮૨ થી વધુ સ્ટોલ જોવા મળશે. આ ‘ઓપ્ટિક એક્સ્પો’નું ૭ થી ૯ ઑક્ટોબર સુધી એકા ક્લબ ખાતે આયોજન કરવામાં આવ્યું છે.
