એસએસનો સામાન કરજણના બામણ ગામ સ્થિત બંધ પડેલી મોર્ડન પેટ્રોફીલ્સનો હોવાનું બહાર આવ્યું
અંકલેશ્વર શહેર પોલીસે ટોલ પ્લાઝા પાસેથી શંકાસ્પદ એસએસના સામાનનો ભરેલા ટેમ્પો ઝડપી પાડ્યો હતો. જેની સાથે ચાર ઈસમોની અટકાયત કરી હતી. પોલીસે રૂપિયા ૬ લાખ ૯૭,૫૦૦નાં મુદ્દામાલ કબજે કરી વધુ તપાસ હાથ ધરી છે. એસએસનો સામાન કરજણના બામણ ગામ સ્થિત બંધ પડેલી મોર્ડન પેટ્રોફીલ્સનો હોવાનું બહાર આવ્યું છે.
પ્રાપ્ત માહિતી અનુસાર અંકલેશ્વર શહેર પોલીસને બાતમી મળી હતી કે, એક ટેમ્પો નંબર જી.જે.૧૯.ટી.૩૯૮૦માં એસ.એસનો સામાન ભરીને કેટલાક ઇસમો સુરત તરફ જવાના છે. જે બાતમીના આધારે પોલીસે નેશનલ હાઈવે પર માંડવા ટોલ પ્લાઝા પાસે વોચ ગોઠવી ઉભા હતા. દરમિયાન બાતમી વાળો ટેમ્પો આવતા પોલીસે તેને અટકાવી અંદર તલાસી લેતા તેમાંથી શંકાસ્પદ એસએસના સામાનનો ૩૪૪૦ કિલો જથ્થો મળી આવ્યો હતો. પોલીસે ટેમ્પો ચાલક નાનુરામ હાતજેલ પાસે શંકાસ્પદ સામાન અંગે જરૂરી પુરાવા માંગતા સંતોશકારક જવાબ આપી શક્યા નહોતા.
પોલીસે તેની સઘન પૂછપરછ કરતા આ જથ્થો કરજણનાબામણ ગામ નજીક બંધ પડેલી મોર્ડન પેટ્રોફીલ્સ કંપનીના ડાઈના મશીનનો સમાન હોવાની કબુલાત કરી હતી. પોલીસે ૪.૮૮ લાખનો સામાન અને ટેમ્પોની કિંમત રૂપિયા બે લાખ અને મોબાઈલ ફોન મળી કુલ રૂપિયા 6 લાખ 97 હજાર 500 નાં મુદામાલ સાથે સુરતના રહેવાસી મહમદ ખાન બુરહાન ખાન પઠાણ અને આરીબ પીજારી તથા સુરેન્દ્ર દુબેની અટકાયત કરી ગુનો નોધી વધુ તપાસ હાથ ધરી છે.
