આજરોજ અંકલેશ્વર ખાતે કાર્યરત રોટરી ક્લબની ભગીની સંસ્થા ઇનર વ્હીલ ક્લબ દ્વારા અનેક સેવાકીય અને સામાજિક પ્રવૃત્તિઓ ચલાવવામાં આવી રહી છે જેમાં વર્ષોથી મહિલા સશક્તિકરણની સામાજિક ઉત્કર્ષ અને કામગીરી કરવામાં આવી રહી છે.
મહિલા સશક્તિકરણ પ્રોજેક્ટ અંતર્ગત કોઈપણ કારણોસર શાળા છોડવા માટે મજબૂર થયેલી વિદ્યાર્થીનીઓને શિક્ષણ ઉપરાંત ગૃહ ઉદ્યોગ કરી શકે એ માટેના અનેક પ્રોજેક્ટ ચલાવાઈ રહ્યાં છે. આ પ્રોજેક્ટ અંતર્ગત રોટરી મહિલા સશક્તિકરણ કેન્દ્રમાં મહિલાઓને નિષ્ણાતો દ્વારા સ્ટિચિંગ શીખવવામાં આવે છે અને શાળા છોડેલી છોકરીઓ સારી રીતે નિષ્ણાત શિક્ષકો દ્વારા શિક્ષણ મેળવે છે.
ઇનર વ્હીલ ક્લબ દ્વારા આ તાલીમાર્થી બહેનો ને સાડી વિતરણ તેમજ રિફ્રેશમેન્ટ સાથે સન્માનિત કરાયા હતાં. આ પ્રસંગે ઇનર વ્હીલ ક્લબના PDC મીરા પંજવાણી, PDC દક્ષા શાહ, વર્તમાન પ્રમુખ સંધ્યા મિશ્રા સહિત અન્ય મહિલા સભ્યો પણ ઉપસ્થિત રહ્યા હતા.
