બનાવ અંગેની પ્રાપ્ત માહિતી અનુસાર અંકલેશ્વર જીઆઇડીસી વિસ્તારમાં આવેલ અમલ લિમિટેડ નામની એક ખાનગી કંપનીમાં બપોરના સમયે અચાનક આગ ફાટી નીકળતા ભારે દોડધામના દ્રશ્યો સર્જાયા હતા, કંપનીના પ્લાન્ટમાં અચાનક આગના પગલે ઘટના અંગેની જાણ જીઆઇડીસી ફાયર વિભાગને કરવામા આવી હતી.
ફાયરના લશકરોએ તાત્કાલીક ઘટના સ્થળે દોડી જઇ આગ ઉપર પાણીનો મારો ચલાવી આગને ગણતરીના સમયમાં કાબુમાં લેતા ઉપસ્થિત લોકોએ હાશકારો અનુભવ્યો હતો, સૂત્રો પાસેથી મળતી પ્રાથમિક માહિતી મુજબ કંપનીમાં નવા પ્લાન્ટની કામગીરી ચાલી રહી હતી તે દરમિયાન જ અચાનક આગ લાગવાની ઘટના બની હતી, જોકે સમગ્ર બનાવમાં સદનસીબે કોઈ જાનહાની ન થતા લોકોએ રાહત અનુભવી હતી.
Advertisement
