ભરૂચ જિલ્લાના હાઇવે ઉપર અવારનવાર લાખોની કિંમતનો વિદેશી દારૂ ઝડપાવવાના અનેક બનાવો સામે આવી રહ્યા છે ત્યારે વધુ એક બનાવ સામે આવ્યો છે, અંકલેશ્વર ને.હા ૪૮ પર આવેલ સિલ્વર સેવન હોટેલના પાર્કિંગમાં પાર્ક કરેલ આઇસર ટેમ્પો નંબર MH.04.EY 2457 ની બાતમીના આધારે પોલીસે દરોડા પાડી તલાશી લેતા તેમાંથી મોટી માત્રામાં વિદેશી શરાબનો જથ્થો બિનવારસી હાલતમાં મળી આવ્યો હતો.
પોલીસને ગેરમાર્ગે દોરવા સારું આઇસર ટેમ્પોનો દરવાજો સિલ કરીને મુકવામાં આવ્યો હતો જે બાદ પોલીસે દરવાજો ખોલી જોતા અંદર મોટી માત્રામાં વિદેશી શરાબની પેટીઓ નજરે પડતા લોકલ ક્રાઇમ બ્રાંચે વિદેશી શરાબ તેમજ બિયરના અલગ અલગ બ્રાન્ડના કુલ ૧૬૩ બોક્સ જેમાં ભરેલ ૫૭૭૨ નંગ બોટલો મળી કુલ ૧૨,૧૦,૪૦૦ નો મુદ્દામાલ કબ્જે કરી આઈસર ટેમ્પોના ચાલક સહિતના ઇસમોની શોધખોળ શરૂ કરી છે.
હારુન પટેલ
Advertisement
