ભરૂચ જિલ્લામાં છેલ્લા કેટલાય સમયથી સ્ટેટ મોનીટરીંગ સેલના એક બાદ એક સફળ દરોડાઓથી પ્રોહીબિશન અને જુગારની પ્રવૃતિ સાથે સંકળાયેલા તત્વોમાં ફફડાટની લાગણી છવાઈ છે, ત્યારે વધુ એક સફળ રેડ કરી સ્ટેટ મોનીટરીંગ સેલે ૧૧ જુગારીઓને હજારોના મુદ્દામાલ સાથે ઝડપી પાડયા છે.
અંકલેશ્વરના નવી નગરી વિસ્તારમાં ચાલતા વરલી મટકાના જુગારધામ ઉપર સ્ટેટ મોનીટરીંગ સેલે દરોડા પાડ્યા હતા જ્યાં પોલીસે કુલ ૧૧ જુગારીઓને ઝડપી પાડ્યા છે, જેમાં ચાર મહિલા સહિત પુરુષોનો સમાવેશ થાય છે, પોલીસે તમામ જુગારીઓ પાસેથી ૨૭ હજાર ઉપરાંતનો મુદ્દામાલ પણ કબ્જે કર્યો હોવાનું સામે આવ્યું છે, જ્યારે જુગારધામના મુખ્ય સૂત્રધાર મહિલા સહિત અન્ય બે ફરાર હોવાનું સામે આવી રહ્યું છે, હાલ તો તમામ જુગારીઓને ઝડપી તેઓ સામે કાયદેસરની કાર્યવાહી હાથ ધરતા બે નંબરી તત્વોમાં ફફડાટ છવાયો છે.
Advertisement
હારુન પટેલ
