અંકલેશ્વર ખાતે સતત આગ લાગવાની ત્રીજી ઘટના બનવા પામી છે. જેમાં ગતરોજ સાંજના અરસામાં પાનોલી જી.આઇ.ડી.સી.ની હાઈકલ કેમિકલ્સ કંપનીના પ્લાન્ટ-3 માં એકાએક આગ ભભૂકતા ભાગદોડ મચી જવા પામી હતી.
હાઈકલ કેમિકલ્સ કંપનીના પ્લાન્ટ-3 માં કોઇ કારણોસર લાગેલ આગ એટલી વિકરાળ હતી કે દૂરથી જ આગના ગોટેગોટા જોવા મળતા હતા. જોત જોતામાં આગે વિકરાળ સ્વરૂપ લેતા સૌના જીવ તાળવે ચોંટ્યા હતા. આ આગની જાણ કરાતા જ આ આગને કાબૂમાં લેવા માટે ફાયર વિભાગની પાંચ જેટલી ગાડીઓ ઘટના સ્થળે પહોંચી અને આગ ઓલવવા માટે પ્રયાસ શરૂ કરી આગ પર કાબુ મેળવ્યો હતો. આગ લાગ્યાની જાણ થતાં જ મામલતદાર અને તાલુકા પોલીસની ટીમ ઘટના સ્થળે પહોંચી આ આગ કેવી રીતે લાગીનિ તાગ મેળવવા પ્રયત્નો હાથ ધર્યા હતા. જોકે આ આગને પગલે કોઇ જાનહાની ન નોંધાતા સૌએ હાશકારો અનુભવ્યો હતો.
Advertisement
હારુન પટેલ
