અંકલેશ્વર જીઆઇડીસીમાં ટેમ્પોની અડફેટે યુવાન નું મોત.

પ્રાપ્ત મળતી વિગતો અનુસાર લક્ષ્મણ નગરમાં રહેતા 27 વર્ષીય યુવાન નું મોત થતા પરિવારમાં શોકનું મોજુ ફરી વળ્યું છે. અંકલેશ્વર જી.આઈ.ડી.સી.માં આવેલ સજ્જન ઈન્ડિયા કંપની માં હેલ્પર તરીકે ફરજ બજાવતો 27 વર્ષીય સોવિંદ કુમાર બીરન રોગન મંડલ કોઈક કામ અર્થે જઈ રહ્યો હતો તે દરમિયાન આઈસર ટેમ્પો નંબર:-GJ-16-Z-4549 ના ચાલકે તેને અડફેટે લેતા ગંભીર ઈજાઓને પગલે તેનું મોત નીપજ્યું હતું. ઘટના અંગેની જાણ જીઆઇડીસી પોલીસને થતા પોલીસે અકસ્માત મોત અંગેનો ગુનો નોંધી લાશને પી.એમ અર્થે સરકારી હોસ્પિટલ ખાતે ખસેડી ફરાર ટેમ્પો ચાલકને ઝડપી પાડવા માટેના ચક્રો ગતિમાન કર્યા છે.