ભરૂચ જીલ્લાના અંકલેશ્વર તાલુકાના અંદાડા ગામેથી ભરૂચ એલસીબી એ ભારતીય બનાવટના વિદેશી દારુના જથ્થા સાથે એક ઇસમને ઝડપી લીધો હતો, જ્યારે એક ઇસમને વોન્ટેડ જાહેર કરીને તેને ઝડપી લેવા કવાયત હાથ ધરી હતી.
મળતી વિગતો મુજબ ભરુચ એલસીબી ની ટીમને બાતમી મળી હતી કે અંકલેશ્વર તાલુકાના અંદાડા ગામે કૈલાસ ટેકરી ખાતે રહેતા ભાવીન હર્ષદભાઇ મોદીએ તેના ઘરમાં ભારતીય બનાવટના વિદેશી દારૂનો જથ્થો ઉતારેલ છે. એલસીબી એ મળેલ બાતમી મુજબના સ્થળે જઇને તપાસ કરતા ત્યાં ઘરના આગળના ભાગેથી ભારતીય બનાવટના વિદેશી દારુનો રૂ.૫૮૨૦૦ નો જથ્થો મળી આવ્યો હતો. એલસીબી પોલીસે ભાવીન મોદી રહે.ગામ અંદાડાનાને ઝડપી લઇને અન્ય એક ઇસમ અજય ગોકુળભાઇ વસાવા રહે.જુના હરિપરા તા.અંકલેશ્વરનાને વોન્ટેડ જાહેર કરીને કાયદેસર કાર્યવાહી હાથ ધરી હતી.
Advertisement
ગુલામહુશેન ખત્રી રાજપારડી જી.ભરૂચ
