અંકલેશ્વરના જીઆઇડીસી વિસ્તારમાંથી એક ચોંકાવનારી ઘટના સામે આવી છે, જ્યાં એક હેવાન પાડોશીએ ૧૨ વર્ષીય બાળકીને ચોકલેટ લેવા માટેની લાલચ આપી તેને રૂમમાં બાંધી રાખી શારીરિક અડપલાં કર્યા હતા તે પૂર્વે જ બાળકીની માતા પહોંચી જતા તેઓએ બુમાબૂમ કરી નાંખી હતી, જે બાદ ઘટના અંગેની જાણ બાળકીના પરિવારજનોએ મામલે અંકલેશ્વર જીઆઇડીસી પોલીસ મથકે જાણ કરી હતી.
જીઆઇડીસી પોલીસે બાળકીના પરિવારજનોની ફરિયાદના આધારે સ્થળ ઉપર પહોંચી તપાસ હાથધરી હતી. જે બાદ પોલીસે મામલે નરાધમ આરોપી રોહિત શંભુ ઠાકોરની ધરપકડ કરી તેની સામે પોક્સો એક્ટ હેઠળ ગુનો દાખલ કરી કાયદેસરની કાર્યવાહી હાથધરી છે. માસૂમ બાળકી સાથે બનેલ ઘટનાના પગલે વિસ્તારમાં પણ ખળભળાટ મચ્યો હતો અને નરાધમ રોહિતના કારનામાઓ અંગે ફિટકારની લાગણી વર્ષાવી હતી.
મહત્વની બાબત છે કે લોકચર્ચા મુજબ ઝડપાયેલ આરોપી રોહિત શંભુ ઠાકોર આ અગાઉ પણ આજ પ્રકારની કરતૂતો બની ચુકી હોવાની લોકચર્ચા ચાલી રહી છે, તેવામાં આ પ્રકારના નરાધમ સામે કડકમાં કડક કાર્યવાહી કરવામાં આવે તેવી પણ લોક માંગ ઉઠવા પામી છે.
હારુન પટેલ : ભરૂચ
