અંકલેશ્વરની કડકિયા કોલેજ પાસે એસ.ટી બસ અને મોપેડ વચ્ચે અકસ્માત સર્જાતાં મોપેડ ચાલક યુવતીનું ઘટનાસ્થળ પર જ કરુણ મોત નીપજ્યું હતું. બનાવની જાણ થતા જ સ્થાનીક પોલીસે યુવતીના મૃતદેહનો કબ્જો મેળવી પોસ્ટમોર્ટમ અર્થે મોકલી આપ્યો છે.
અંકલેશ્વર હાંસોટ માર્ગ ઉપર આવેલી કડકિયા કોલેજ નજીકથી એક યુવતી પોતાનું મોપેડ ગાડી લઈને પસાર થઈ રહી હતી. આ સમયે તેનો એસટી બસ સાથે અકસ્માત સર્જાયો હતો. અકસ્માતમાં રોડ ઉપર પટકાયેલી યુવતીને માથાના ભાગે ગંભીર ઇજાઓ પહોંચતા તેનું ઘટનાસ્થળ પર જ મોત નીપજ્યું હતું. અકસ્માતના પગલે સ્થળ ઉપર લોકટોળા ઉમટી પડતા ટ્રાફીકજામના દ્રશ્યો પણ સર્જાયા હતા. બનાવની જાણ થતાં જ સ્થાનિક પોલીસ મથકનો કાફલો તાત્કાલિક સ્થળ ઉપર દોડી આવ્યો હતો.પોલીસે યુવતીના મૃતદેહનો કબ્જો મેળવીને તેને પોસ્ટમોર્ટમ અર્થે હોસ્પિટલમાં મોકલી આપ્યો હતો.
Advertisement
