ભરૂચ સ્પેશિયલ ઓપરેશન ગ્રુપના કર્મીઓ પેટ્રોલિંગમાં હતા દરમ્યાન મળેલ બાતમીના આધારે અંકલેશ્વરની રાધા ક્રિષ્ના હોટલ પાસે એક શંકાસ્પદ આઈસર ટેમ્પોને રોકી તેનાં પાછળનાં ભાગે ભરેલ સામાનની તપાસ કરતા લોખંડનાં સળીયા સહિત લોખંડનું ભંગાર ભરેલ હોવાનું સામે આવ્યું હતું, જે બાદ પોલીસને શંકા જતા સામાન અંગેના બિલ કે આધાર પુરાવા તેમજ વાહનની આર.સી બુક અંગેનાં પુરાવા માંગવામાં આવ્યા હતા.
પોલીસની તપાસમાં આઈસર ટેમ્પોનાં ચાલક દ્વારા કોઈ સંતોષ કારક જવાબ નહીં આપતા ભરૂચ સ્પેશિયલ ઓપરેશન ગ્રુપ દ્વારા ટેમ્પોનાં ચાલક રમણભાઈ છીતુભાઇ રાઠોડ રહે. સજોદ અંકલેશ્વર નાઓની ભંગારનો જથ્થો સહિત ટેમ્પો મળી કુલ 2,82,200 નાં મુદ્દામાલ સાથે ધરપકડ કરી તેની સામે ગુનો દાખલ કરી કાયદેસરની કાર્યવાહી હાથધરી છે.
Advertisement
