અંકલેશ્વર તાલુકાના ઉમરવાડા ગામે ચાલી રહેલી T-20 ક્રિકેટ ટુર્નામેન્ટની ફાઇનલ રવિવારના રોજ યોજાઈ હતી જેમાં પાનોલી અને દીવા ગામની ટીમ વચ્ચે ફાઈનલનો જંગ રમાયો હતો. આ મેચમાં પાનોલીનો ભવ્ય વિજય થયો હતો. આ પ્રસંગે મરહુમ અહેમદભાઈ પટેલના પુત્ર ફૈઝલ પટેલ અને અંકલેશ્વર નગરપાલિકાના કારોબારી અધ્યક્ષ સંદીપ પટેલ ઉપસ્થિત રહ્યા હતા. સંદીપ પટેલે જણાવ્યું હતું કે ઉમરવાડા જેવા નાના ગામમાં ક્રિકેટના બે ગ્રાઉન્ડ છે એ ખરેખર આનંદની વાત છે જેને કારણે નાના બાળકોથી લઈને સૌ અભ્યાસ ઉપરાંત અન્ય પ્રવૃત્તિ પણ કરી શકે છે અને રમતગમતને પ્રોત્સાહન ગ્રામજનો પણ આપે છે એ આનંદની વાત છે. ફૈઝલ પટેલના હસ્તે વિજેતા ટીમને ટ્રોફીનું વિતરણ કરવામાં આવ્યું હતું એમણે પણ ખેલાડીઓને પ્રોત્સાહિત કર્યા હતા.
Advertisement
