અંકલેશ્વરનાં હાઇવે ઉપર હોટલ શિવકૃપા નજીક ટેમ્પોમાં દવાનાં બોક્ષની નીચે વિદેશી દારૂ સંતાડીને લઈ જતા 25 લાખ ઉપરાંતનો મુદ્દામાલ ઝડપી પાડતી ભરૂચ એલ.સી.બી.

ભરૂચ LCB પોલીસે બાતમીને આધારે નેશનલ હાઇવે નં.48 ઉપર અંકલેશ્વરથી ભરૂચ વચ્ચે આવેલ હોટલ શિવકૃપા પાસે વોચ ગોઠવી હતી. આ દરમ્યાન આઇસર ટેમ્પો આવતા તેને રોકી તપાસ કરતાં તેમાં દવાના બોક્ષ નંગ 730 ભરેલા હતા. પોલીસે વધુ તપાસ કરતાં તેની પાછળ છુપાવીને રાખેલ દારૂની બોટલ 113 નંગ કિંમત રૂ.45,200 નો જથ્થો મળી આવ્યો હતો. પોલીસે પૂછપરછ કરતાં દારૂ અને દવા ગોવાથી ભરીને અમદાવાદ લઈ જવાતો હતો. પોલીસે દારૂ તેમજ દવાનાં બોક્ષ નંગ 730 કિંમત રૂ.19,48,531 તેમજ ટેમ્પો મળી કુલ રૂ. 25,04,931 નાં મુદ્દામાલ ઝડપી લઈને ખેડાના રહીશ ધર્મેશ પટેલ તેમજ હર્ષલ મકવાણા ઇશનપુર અમદાવાદને ઝડપી લઈને આ અંગે અંકલેશ્વર શહેર પોલીસને હવાલે કરી તપાસ શરૂ કરી છે.