અંકલેશ્વર શહેરનાં ચૌટા બજારમાં આવેલ મોદી સમાજની વાડી પાસેથી રોયલ બુલેટની ચોરી થતા પોલીસે ગુનો નોંધી સીસીટીવી ફુટેજનાં આધારે બાઈક ચોરને ઝડપી પાડવાની કવાયત હાથ ધરી.

પોલીસ સૂત્રીય માહિતી મુજબ અંકલેશ્વર શહેરનાં હાર્ટ સમા ચૌટા બજારમાં આવેલ મોદીની વાડી પાસે વિનય જયેશ સોનીએ રાત્રે પોતાની બુલેટ મોટર સાયકલ પાર્ક કરી હતી દરમ્યાન તેઓની બુલેટ કોઈ બાઈક ચોર ચોરી કરી ફરાર થઇ ગયો હતો. વિનય સોનીએ દુકાનનાં સીસીટીવી કેમેરા ચેક કરતા બે શખ્સો બુલેટની ચોરી કરતા કેદ થયા હતા. આ અંગે વિનય સોનીએ શહેર પોલીસ મથકમાં ફરિયાદ દર્જ કરાવતા શહેર પોલીસે ગુનો નોંધી સીસીટીવી ફુટેજનાં આધારે બાઈક ચોરને ઝડપી પાડવાની કવાયત હાથ ધરી છે.