અંકલેશ્વર સામાજિક વનીકરણ રેન્જના ઉપક્રમે ૭૨ માં તાલુકા કક્ષાના વન મહોત્સવની ઉજવણી કાર્યક્રમ હાંસોટ તાલુકાના કુડાદરા પ્રાથમિક શાળા ખાતે સહકાર રાજ્ય મંત્રી ઈશ્વરસિંહ પટેલના અધ્યક્ષસ્થાને યોજાયો હતો. આ વેળાએ મંત્રીના હસ્તે વૃક્ષારોપણ કરવામાં આવ્યું હતું. મંત્રીએ સામાજિક વનીકરણ વિભાગ દ્વારા વિનામૂલ્યે રોપા વિતરણના વૃક્ષ રથનું પણ લીલી ઝંડી બતાવીને પ્રસ્થાન કરાવ્યું હતું.
આ પ્રસંગે મંત્રી ઈશ્વરસિંહ પટેલે જણાવ્યું હતું કે, માનવ જીવન વૃક્ષો આધારિત છે. પર્યાવરણની જાળવણી માટે વૃક્ષોનું વાવેતર કરવું અને જતન કરવું ખુબ જ જરૂરી છે. ઘણી સમસ્યાઓનો એક માત્ર ઉકેલ વૃક્ષોની જાળવણી કરવી. આ પ્રસંગે મંત્રી ઈશ્વરસિંહ પટેલ, પ્રાંત અધિકારી રમેશભાઈ ભગોરા, આગેવાન પદાધિકારીઓ, રેન્જ ફોરેસ્ટર ઓફીસર સહિત આગેવાનો હાજર રહી ૭૦ જેટલા વૃક્ષો વાવી ઉજવણી કરવામાં આવી હતી.
Advertisement
