અંકલેશ્વરના કસ્બાતીવાડમાં આવેલ શબનમ એપાર્ટમેન્ટમાં બંધ મકાનમાં ફ્રીજમાં શોર્ટ સર્કિટથી આગ લાગી જતા દોડધામ મચી જવા પામી હતી.

અંકલેશ્વર શહેરના કસ્બાતીવાડમાં આવેલ શબનમ એપાર્ટમેન્ટમાં આજે બપોરના સુમારે માસુમ ભાઈ બમ્બૈયાના મકાન બંધ હતું પરિવારજનો કોઈ કામ અર્થે બહાર ગયા હતા તે દરમિયાન ઘરના રસોડામાં મુકેલ ફ્રીજમાં શોર્ટ સર્કિટ થતા આગ લાગી ગઈ હતી.જેને પગલે ઘરમાંથી ધુમાડો નીકળતા લોકોએ બૂમાબૂમ કરી મૂકતા નગરપાલિકાનાં ફાયર બ્રિગેડનો બમ્બો દોડી આવ્યો હતો અને પાણીનો મારો ચલાવી આગને કાબુમાં લીધી હતી અત્રે ઉલ્લેખ કર્યું કે શહેરમાં અનેક વિસ્તારોમાં રસ્તા ઉપરના દબાણોના કારણે રસ્તાઓ સાંકડા બની રહ્યા છે ત્યારે કોઈ મોટી દુર્ઘટના સર્જાય તો ફાયર બ્રિગેડના બંબાઓ ઘટનાસ્થળે કેવી રીતે પહોંચી શકે તેવા પ્રશ્નો ઉભા થયા છે.