અંકલેશ્વર જી.આઇ.ડી.સી પોલીસે ભડકોદ્રા બસ સ્ટેશન નજીકથી વિદેશી દારૂના જથ્થા સાથે બે ઇસમની ધરપકડ કરી.

અંકલેશ્વર જી.આઈ.ડી.સી.પોલીસ મથકનો સ્ટાફ પ્રોહિબિશન ડ્રાઈવમાં હતો તે દરમિયાન બાતમીના આધારે પોલીસે ભડકોદ્રા બસ સ્ટેશન પાસે દરોડા પાડ્યા હતા. પોલીસે વિદેશી દારૂની બોટલો થેલીમાં લઈ ઉભા રહેલ બે ઈસમો પાસેથી વિદેશી દારૂનો જથ્થો અને બે મોબાઈલ ફોન મળી કુલ 9 હજારથી વધુનો મુદ્દામાલ કબ્જે કર્યો હતો. પોલીસે ભડકોદ્રા ગામની શિવ કોલોનીમાં રહેતા જીગર રસિક બારોટ, નવીનગરીમાં રહેતા કૃપેશ ગણેશભાઈ વસાવાને ઝડપી પાડ્યા હતા. પોલીસે બંને વિરુદ્ધ પ્રોહિબિશન એક્ટ હેઠળ ગુનો નોંધી તપાસ હાથ ધરી છે.