આજ રોજ વહેલી સવારે બારડોલી રેલ્વે સ્ટેશન પર એક ધાબળામાં માસૂમ ૬ મહિનાનું નવ જાત બાળક મળી આવતા અરેરાટી મચી જવા પામી હતી.
બનાવની મળતી માહિતી મુજબ આજ રોજ વહેલી સવારે બારડોલી સ્ટેશન પર ધાબળામાં એક બાળક મળી આવતા રેલવે પોલીસે 108 ને જાણ કરી હતી. ત્યારે સરદાર હોસ્પિટલનાં સ્ટાફે દોડી જઈ બાળકને હોસ્પિટલ ખાતે લાવવામાં આવ્યું હતું. હોસ્પિટલ ખાતે લાવી તેની સારવાર કરવામાં આવી હતી ત્યારે તેની તબિયત સારી હોવાનું તબીબોએ જણાવ્યું હતું.
જો કે બાળકને કોણ મૂકી ગયું એને કેમ એ તો તપાસનો વિષય બને છે… પરંતુ આટલા નાના બાળકને કોઈ આવી રીતે રસ્તામાં છોડી દેવું એવી ઘટનાથી હૃદય કંપી ઉઠે છે.
તો બીજી તરફ ઘણા લોકો પોતાના કાર્યથી સારૂ એવું ઉદાહરણ આપી જતા હોય છે. બાળક ને બારડોલી ની સરદાર હોસ્પિટલમાં જ રાખવામાં આવ્યું છે અને હોસ્પિટલની જ એક મહિલા બાળકને ધાવણ આપી તેની દેખરેખ રાખી રહી છે.
