દિનેશભાઇ અડવાણી
તાજેતરમાં અંકલેશ્વર જીઆઈડીસીના જે.સી.આય ભવન હોલમાં બોડિબિલ્ડિંગ એન્ડ બેસ્ટ ફિઝિક્સ એસોસિએશન ભરૂચ દ્વારા ભરૂચ જિલ્લાની પાવરલીફ્ટીંગ તેમજ બેન્ચ પ્રેસ સ્પર્ધાનું આયોજન કરવામાં આવ્યું હતું.જેમાં અલગ અલગ ૬ વેટ કેટેગરી મળીને કુલ 60 થી વધુ સ્પર્ધકોએ આ સ્પર્ધામાં ભાગ લીધો હતો.જેમાં ભરૂચના શક્તિનાથ વિસ્તારમાં આવેલ ફિટનેસ ફર્સ્ટ જીમના રાકેશભાઈ ગોહિલે ૪૭ થી ૫૫ કિલોના ગ્રુપમાં પાવરલીફ્ટીંગ તેમજ બેન્ચ પ્રેસ એમ બંને સ્પર્ધામાં તેઓ ત્રીજા ક્રમે વિજેતા બન્યા હતા.તેમજ ૫૫ થી ૬૨ કિલોના ગ્રુપમાં વિજયભાઇ રાઠોડ બેન્ચ પ્રેસની સ્પર્ધામાં બીજા ક્રમે વિજેતા બની પોતાની ફિટનેસ ફર્સ્ટ જીમનું ગૌરવ વધાર્યું હતું.તે બદલ ફિટનેસ ફર્સ્ટ જિમના તમામ સભ્યો તરફથી તેઓ બંનેને અભિનંદન પાઠવવામાં આવ્યા હતા તેમજ જૂન મહિનામાં સુરત શહેર ખાતે રાજ્યકક્ષાની પાવરલીફ્ટીંગ સ્પર્ધામાં ભાગ લઇ વિજેતા બની ભરૂચ શહેરનું ગૌરવ વધારે તેવી ફિટનેસ ફર્સ્ટ જીમના તમામ સભ્યો તરફથી તેઓને શુભેચ્છા પાઠવવામાં આવી છે.
