ઝાડેશ્વરના વૈભવ બંગ્લોઝ પાસે ઝાડીઓમાં આગ લાગતાં દોડધામ

પાલિકાના લાશ્કરોએ દોડી આવી આગ પર કાબુ મેળવ્યો

ભરૂચના ઝાડેશ્વર ગામે આવેલાં આંગણ એન્કલેવ, વૈભવ બંગ્લોઝની બાજુમાં આવેલી ખુલ્લી જગ્યામાં ઉગી નિકળેલા ઝાડી ઝાડવામાં રાત્રીના સમયે અચાનક કોઈ કારણસર આગ ભભુકી ઉઠી હતી. જોતજોતામાં આગ મોટા વિસ્તારમાં પસરી જતાં તેના કારણે આસપાસના વિસ્તારમાં આગ લાગવાની ભિતી સેવાઈ હતી. ઘટનાને પગલે સ્થાનિકોએ તુરંત ભરૂચ નગરપાલિકાના ફાયર વિભાગને જાણ કરતાં લાશ્કરો તુરંત સ્થળ પર દોડી ગયાં હતાં. મોટી માત્રામાં આગ ઝાડી-ઝાંખરામાં પ્રસરી ગઈ હોવાને કારણે લાકરોએ સતત પાણીનો મારો ચલાવી ભારે જહેમત બાદ આગ પર કાબુ મેળવ્યો હતો. આગ લાગવાના સ્થળથી સહેજ જ દૂર વાહનોનું પાર્કિંગ હોઈ આગ જલદી કાબુમાં આવી જતાં વાહનો સહિસલામત બચી ગયાં હતાં.