બુટલેગર ઘરમાંથી ઝડપાયો, ખિસ્સામાંથી બોટલ મળી
ભરૂચ
ભરૂચ એ ડિવિઝન પોલીસની ટીમને ચોક્કસ બાતમી મળી હતી કે, શહેરના લોઢવાણના ટેકરા વિસ્તારમાં રહેતો એમરોસ શંકર મકવાણા પોતાના ઘરની બહાર વિદેશીદારૂનો વેપલો કરે છે. જેના પગલે ટીમે તુરંત તેના ઘરે દરોડો પાડ્યો હતો. એમરોસ તેના ઘરમાં જ હોઈ પોલીસે તેને ઝડપી પાડયો હતો. ટીમે તેની તપાસ કરતાં તેના બિસ્સામાંથી દમણની બનાવટના વિદેશીદારૂની ૧૦૦ રૂપિયાના મત્તાની ૧૮૦ મીલીની એક બોટલ મળી આવી હતી. ટીમે તપાસ કરતાં તેના બીજા ખિસ્સામાંથી ૨૫૧૦૦ રૂપિયા રોકડા તેમજ ૫૦ હજારની મત્તાનો એક મોબાઈલ મળી આવતાં કુળ ૭૫૨૦૦ રૂપિયાનો મુદ્દામાલ જપ્ત કર્યો હતો. ટીમે ઝડપાયેલાં એમરોસ મકવાણાએ પ્રાથમિક પુછપરછમાં જણાવ્યું હતું કે, તે તાજેતરમાં દમણ ફરવા માટે ગયો હતો. ત્યાંથી ખર્ચો કાઢવાના ઈરાદે વિદેશીદારૂની બોટલ લાવ્યો હતો. એ ડિવિજન પોલીસે તેની સામે ગુનો પોહિબિશન એક્ટ હેઠળ ગુનો નોંધી આગળની કાયદેસરની કાર્યવાહી હાથ ધરી છે.
