અજાણ્યા વાહને એક્ટિવા સવારને અડફેટે લેતા એકનું સ્થળ પર જ મોત, એક ગંભીર રીતે ઇજાગ્રસ્ત

હલદરવા પાટીયા નજીક હિટ એન્ડ રનનો ભયાનક અકસ્માત

હલદરવા પાટીયા અને નર્મદા કેમાંતૂર કંપની નજીક હિટ એન્ડ રનની ગંભીર ઘટના સામે આવી છે. અજાણ્યા વાહન ચાલકે એક્ટિવા પર જઈ રહેલા બે વ્યક્તિને જોરદાર ટક્કર મારી હતી અને અકસ્માત સર્જીને સ્થળ પરથી ફરાર થઈ ગયો હતો.

આ અકસ્માતમાં એક વ્યક્તિનું ઘટનાસ્થળે જ કરુણ મોત નીપજ્યું હતું, જ્યારે અન્ય વ્યક્તિને ગંભીર ઈજાઓ પહોંચતા તાત્કાલિક સિવિલ હોસ્પિટલ ખાતે સારવાર માટે ખસેડવામાં આવ્યો હતો.

ઘટનાની જાણ થતાં સ્થાનિક લોકો એકત્રિત થયા હતા અને પોલીસને જાણ કરવામાં આવી હતી. પોલીસ દ્વારા ઘટનાસ્થળે પહોંચીને તપાસ હાથ ધરવામાં આવી છે તથા ફરાર વાહનચાલકની શોધખોળ શરૂ કરવામાં આવી છે.