આજ રોજ વહેલી સવારે અંકલેશ્વર GIDC વિસ્તારમાં નિલેશ ચોકડી નજીક એક હાઇવો ડમ્પર અચાનક ઓવરબ્રિજ નીચે ફસાઈ જતાં અફરાતફરીનો માહોલ સર્જાયો હતો. પ્રાથમિક માહિતી મુજબ ડમ્પરની હાઇડ્રોલિક ટ્રોલી ખુલ્લી રહી જવા કે પછી કોઈ ટેક્નિકલ ખામીના કારણે ચાલતી ગાડી અચાનક ઊંચી થઈ જતા ટ્રોલી ઓવરબ્રિજ નીચે અથડાઈ ફસાઈ ગઈ હતી.
સદ્નસીબે ઘટનામાં કોઈ જાનહાની થઈ નથી. ડ્રાઈવરે સમજદારી દાખવી ડમ્પરને રિવર્સમાં લઈ જઈ હાઇડ્રોલિક ટ્રોલી નીચે ઉતારી હતી, જેના કારણે મોટી દુર્ઘટના ટળી હતી. ભારે જહેમત બાદ ડમ્પરને સ્થળ પરથી હટાવવામાં આવ્યો હતો.
Advertisement
ઘટનાને પગલે થોડા સમય માટે ટ્રાફિક પર અસર પડી હતી, જોકે બાદમાં સ્થિતિ સામાન્ય બની હતી. અત્યાર સુધી મામલે કોઈ પોલીસ ફરિયાદ નોંધાઈ નથી.
