ભરૂચ:
Advertisement
ભરૂચ જિલ્લા પંચાયતની પ્રથમ સામાન્ય સભામાં વિવિધ 9 સમિતિઓના ચેરમેનની કરાયેલી નિમણૂક બાદ ગુરુવારે તમામ ચેરમેનોએ વિધિવત રીતે પોતાના પદનો કાર્યભાર સંભાળ્યો હતો. જિલ્લા પંચાયત પ્રમુખ ડિમ્પલ રાજ, ઉપપ્રમુખ તેમજ જિલ્લા પંચાયતના સભ્યો અને અધિકારીઓની ઉપસ્થિતિમાં પદગ્રહણની પ્રક્રિયા સંપન્ન થઈ હતી.
આ પ્રસંગે કારોબારી સમિતિના ચેરમેન તરીકે પ્રવીણ પટેલ, શિક્ષણ સમિતિના ચેરમેન તરીકે કર્મીશા પટેલ, બાંધકામ સમિતિના ચેરમેન તરીકે યતીન પટેલ તથા આરોગ્ય સમિતિના ચેરમેન તરીકે વિમલ પટેલ સહિત વિવિધ સમિતિઓના ચેરમેનોએ સત્તાવાર રીતે પદભાર સંભાળ્યો હતો.
પદભાર સંભાળ્યા બાદ જિલ્લા પંચાયતના સભ્યો, અધિકારીઓ અને કર્મચારીઓએ તમામ ચેરમેનને શુભેચ્છાઓ પાઠવી હતી. નવા ચેરમેનોએ જિલ્લા વિકાસના કાર્યોને ગતિ આપવાની સાથે લોકોની અપેક્ષાઓને પૂર્ણ કરવા માટે પ્રતિબદ્ધતા વ્યક્ત કરી હતી.
