ભરૂચ એલ.સી.બી પોલીસે અંકલેશ્વરમાંથી સગીર યુવતીને ભગાડી જનાર શખ્સ તેમજ સગીરાને અમદાવાદ ખાતેથી ઝડપી પાડયા હતા.

અંકલેશ્વર શહેરની રઘુવીર સોસાયટીમાં રહેતી એક સગીર યુવતીને બે વર્ષ અગાઉ પ્રેમ સંબંધમાં એક યુવક જીગર જાદવ અમદાવાદનાં લાંભા ગામ ખાતે ભગાડી ગયો હતો. આ સંદર્ભે સગીરાનાં પરિવારજનોએ શહેર પોલીસ મથકે ફરિયાદ દર્જ કરાવી હતી. જોકે જે તે સમયે સગીરા તેમજ ભગાડી જનાર યુવક જીગર જાદવ મળી આવ્યા નહોતા. બાદમાં આ અંગેની તપાસ ભરૂચ એલ.સી.બી. પોલીસને મળી હતી. એલ.સી.બી પોલીસે આ પ્રેમી પંખીડાઓને ઝડપી પાડવા સધન તપાસ હાથ ધરી હતી. જે દરમ્યાન આ પ્રેમી પંખીડા અમદાવાદ જિલ્લાનાં દસક્રોઈ તાલુકાનાં લાંભા ગામે રહેતા હોવાની જાણ થતા પોલીસે બંનેને પકડી અંકલેશ્વર શહેર પોલીસને આગળની કાર્યવાહી અર્થે સોંપી દીધા હતા.