ભરૂચ જિલ્લાના વાલીયા તાલુકામાં આવેલા કમળા માતાજીના મંદિર ખાતે હિન્દુ નેતા અને રામજન્મભૂમિ આંદોલનના અગ્રણી કારસેવક ડો. પ્રવીણભાઈ તોગડિયાનું આગમન થતાં સ્થાનિક આગેવાનો અને કાર્યકરો દ્વારા તેમનું ભાવભેર સ્વાગત કરવામાં આવ્યું હતું.
Advertisement
આ પ્રસંગે કિસાન સંઘ ગુજરાતના પ્રદેશ પ્રમુખ દેવુભા કાઠી, કિસાન સંઘ ભરૂચ જિલ્લા પ્રમુખ તથા હિન્દુ ધર્મ સેના દક્ષિણ ગુજરાતના પ્રમુખ સુધીરસિંહ અટોદરિયા સહિત સાધુ-સંતો અને અન્ય અગ્રણીઓ ઉપસ્થિત રહ્યા હતા.
ઉપસ્થિત આગેવાનોએ ડો. પ્રવીણભાઈ તોગડિયાને કમળા માતાજીની છબી અર્પણ કરી, હાર પહેરાવી તથા શાલ ઓઢાડીને સન્માનિત કર્યા હતા. આ પ્રસંગે ધાર્મિક માહોલ વચ્ચે આગેવાનો અને કાર્યકરોએ તેમનું અભિવાદન કર્યું હતું. કાર્યક્રમમાં સ્થાનિક આગેવાનો અને સમર્થકોની ઉપસ્થિતિએ પ્રસંગને વિશેષ બનાવ્યો હતો.
