સમગ્ર ગુજરાતમાં કોરોના વાઇરસ કાળ બનીને લોકોને કાળનાં મુખમાં ધકેલી આપે છે. દિવસેને દિવસે કોરોના પોઝિટીવ દર્દીઓ સામે આવી રહ્યા છે. છેલ્લાં ગત સપ્તાહથી કોરોના વાયરસે ભરૂચ જીલ્લામાં હાહાકાર મચાવી દીધો છે. રોજનાં રોજ કોરોના પોઝિટીવ કેસો સામે આવી રહ્યા છે અને પોઝિટીવ દર્દીઓની સંખ્યામાં સતત વધારો થઈ રહ્યો છે. આજરોજ ભરૂચ જીલ્લામાં કોરોના પોઝિટીવ કેસની સંખ્યા 203 થઈ છે. કોરોના વાઇરસે ભરૂચ જીલ્લામાં 2 સેન્ચ્યુરી ફટકારી દીધી છે. આજરોજ ભરૂચ જીલ્લામાં વધુ 8 પોઝિટીવ કેસો નોંધાયા છે. જેમાં અંકલેશ્વરમાંથી 2, જંબુસરમાંથી 3, ભરૂચમાંથી 2 અને ઝધડીયામાં 1 કેસ નોંધાયો છે. ભરૂચ જીલ્લામાં કોરોના વાઇરસ કાળ બની સપાટો બોલાવી રહ્યો છે. આવનારા સમયમાં આ સંખ્યા વધે તેવી પણ શકયતા છે. તેથી આરોગ્યતંત્ર પણ ચિંતામાં મુકાઇ ગયું છે.
Advertisement
