નબીપુર પાસે ને.હા.નંબર 48 પર આજે સવારે 10:30 વાગ્યાનાં અરસામાં એક ટ્રક જેનો નં. MH 16 Y 7411 વડોદરાથી સુરત તરફ જઈ રહી હતી તે દરમ્યાન નબીપુર પાસે પરવાના હોટલ સામે વડોદરાથી સુરત તરફ જતી લકઝરી બસ નં. GJ 14 Z 1145 એ પાછળથી ટ્રક સાથે ધડાકાભેર અથડાતાં ટ્રક રોડની વચ્ચે બનેલા ડિવાઈડર પર ચડી ગઈ હતી.
આ ટ્રકમાં બેઠેલા 8 જેટલા મજૂરો ઇજાગ્રસ્ત થયા હતા. આના લીધે હાઇવે પર ભરૂચ તરફ જતો ટ્રાફિક જામ થઈ ગયો હતો.
આ અકસ્માતની જાણ થતાં જ નબીપુર પોલીસ સ્ટેશનના પી.એસ.આઈ. એ. કે.જાડેજા તેમના સ્ટાફ સાથે ઘટના સ્થળે પહોંચી ગયા હતા. તેઓએ 108 ની મદદથી ઇજાગ્રસ્તોને ભરૂચ સિવિલ હોસ્પિટલ ખાતે ખસેડયા હતા અને ટ્રાફિકને હળવો કર્યો હતો. આ અકસ્માત અંગે તેઓ તપાસ કરી રહયા છે. સદનસીબે આ ટ્રક ડિવાઈડર પર અટકી ગઈ હતી જો આ ટ્રક ડિવાઈડર પાર કરી સામેની લાઈનમાં જતી રહેત તો એક અતિ ગમખ્વાર અકસ્માત થઈ શકત.
ભરૂચ : નબીપુર પાસે ને.હા.નંબર 48 પર ટ્રક અને લક્ઝરી બસ વચ્ચે અકસ્માત સર્જાતા 8 જેટલા મજૂરો ઇજાગ્રસ્ત…
Advertisement
