ભરૂચ ના બાયપાસ વિસ્તાર માં આવેલ મોનાપાર્ક સોસાયટીના ત્રણ જેટલા મકાનો ને તસ્કરોએ નિશાન બનાવી તરખાટ મચાવતા ખળભળાટ વ્યાપી ગયો હતો……..

બનાવ અંગે ની જાણવા મળતી માહિતી મુજબ ભરૂચ શહેર ના પશ્ચિમ વિસ્તારમાં આવેલ બાયપાસ ચોકડી નજીકની મોના પાર્ક સોસાયટી માં એક સાથે ત્રણ જેટલા બંધ મકાનોના નકુચા તોડી તસ્કરોએ ત્રાટકી તરખાટ મચાવતા સોસાયટી વિસ્તારમાં ભારે ખળભળાટ વ્યાપી ગયો હતો…….
રજાઓમાં બહારગામ ફરવા માટે ગયેલા ત્રણ મકાનો માં તસ્કરો ત્રાટકીયા હતા જેમાં થી એક મકાન માંથી મોટી માત્ર માં ચોરી થઇ હોવાનું જાણવા મળ્યું હતું જેમાં સોના.ચાંદીના દાગીના હજારોની રોકડ તેમજ લેપટોપ સહીત ની વસ્તુઓ ઉપર તસ્કરોએ હાથફેરો કર્યો હતો…તો અન્ય બે મકાનોમાંથી નહિવત પ્રમાણ માં ચોરી થઇ હોવાનું જાણવા મળ્યું હતું…..
એક સાથે મોના પાર્ક સોસાયટી ના ત્રણ મકાનો માં તસ્કરો ત્રાટકીયા હોવાની માહિતી ભરૂચ શહેર બી ડિવિઝન પોલીસ મથકે થતા પોલીસ કાફલાએ તાત્કાલિક ઘટના સ્થળે દોડી જઇ મામલા અંગેની વધુ તપાસ હાથધરી હતી…..જયારે ભરચક વસ્તી વારી એવી મોના પાર્ક સોસાયટીના ત્રણ મકાનોમાં ચોરી ની ઘટના બાદ થી સોસાયટી ના પોલીસ પેટ્રોલીંગ માં વધારો કરવામાં આવે તેવી માંગ ઉચ્ચારી હતી………
અત્રે ઉલ્લેખનીય છે કે જે મકાનો ના નકુચા તોડ્યા હતા તે મકાનો માંથી તસ્કરો એ પથ્થર મુક્યા હતા જે અંગે કોઈ પથ્થર ગ઼ેંગ સક્રિય થઇ છે કે કોઈ જાણભેદુ દ્વારા ચોરીઓ કરવામાં આવી છે.. તેવી લોક ચર્ચા પણ સમગ્ર ચોરીઓ ના બનાવો બાદ થી ચર્ચા માં આવી હતી..