ભરૂચનાં ગામડાઓ પર NRI ભાઈઓ મહેરબાન બન્યા છે, કરમાડ ગામે 10 ઓક્સીજન કોનસ્ટ્રેટર મશીન અપાતા ગ્રામજનોએ ખુશી વ્યક્ત કરી હતી.

હાલ કોરોના મહામારી ચાલી રહી છે એવામાં હોસ્પિટલમાં બેડ અને ઓક્સીજન બોટલની ઉણપ ને જોતા ભરૂચ જિલ્લાના NRI લોકો ભરૂચના ગામડાઓ પર મહેરબાન થયા છે જેમાં ગત રોજ કરમાડ ગામે એક બાયપેપ મશીન 10 ઓક્સીજન કોનસ્ટ્રેટર મશીન અને 1200 જેટલા ઓક્સિમિટર સીધા ઇંગ્લેન્ડથી મોકલાતા ગ્રામજનોમાં હર્ષની લાગણી ફેલાઇ છે.

મહત્વનું છે કે વિદેશમાં રહીને પણ સ્વદેશની ચિંતા કરતા ભરૂચ જિલ્લાના અનેક NRI પરિવારો લોકોની મદદ માટે આગળ આવ્યા છે અને આ મહામારી વચ્ચે પોતાના વતનના લોકોની તકલીફોમાં સહભાગી બની તેઓને આ મહામારીમાં વધુ સમસ્યાઓનો સામનો ન કરવો પડે જે માટે બનતી મદદ કરી રહ્યા છે.