ભરૂચ જિલ્લામાં ખેડૂતો કે જેઓની એક માત્ર આવક હોય છે તેવા લોકો સાથે ગેરરીતિ કરીને વ્યાજખાઉઓ દ્વારા જમીનો પચાવી પાડીને ખેડૂતોને જમીન વિહોણા કરી નાંખતા ખેડૂતો રોષે ભરાઈને આજરોજ કલેકટરને આવેદન આપવામાં માટે આવ્યા હતા.
મળતી માહીતી મુજબ ભરૂચ જિલ્લામાં તથા સુરત, તાપી, ડાંગ વગેરે જિલ્લાઓમાં વ્યાજખોરો દ્વારા તેમના ગેરકાયદેસરના લાઇસન્સ લીધા વિના નાણાં ધીરનારના ષડયંત્રના ભાગરૂપે આર્થિક મજબૂરીમાં સપડાયેલા ખેડૂતોની નાણાં ધીરનારના ભાગરૂપે દસ્તાવેજો લખાવીને તેમજ આર્થિક રીતે મજબુર ખેડૂતો પાસેથી લીધેલા કોરા ચેકોની દુરપયોગ કરીને તેને આધારે ખેડૂતો વિરૂધ્ધ ખોટી ફરિયાદ કરી ખેડૂતોમે બ્લેકમેલ કરીને તેમની આજીવિકાનું એકમાત્ર સાધન ખેતીની જમીનો વ્યાજખાઉ નરેશ રામજી માણીયા, અશોક રામજી માણીયા, પોપટ રણછોડ ભાદાણી તથા અરવિંદ ભગવાન લાઠીયા દ્વારા ગેરકાયદેસર રીતે પડાવી લેવાની કાર્યવાહી કરી રહ્યા છે.
વાલિયા અને હાંસોટ તાલુકાના લાચાર ખેડૂતો દ્વારા નરેશ રામજી માણીયા, અશોક રામજી માણીયા, પોપટ રણછોડ ભાદાણી તથા અરવિંદ ભગવાન લાઠીયા વિરૂધ્ધ અલગ અલગ લેન્ડ ગ્રેબીંગ એક્ટ હેઠળની અરજીઓ કરવામાં આવી છે પરંતુ કલેકટર ભરૂચ દ્વારા લેન્ડ લેબરો સાથે છ-સાત વાર અરજીઓ કરવા છતાય અરજીઓ ફંગોળીને કોઈ કાર્યવાહી કરવામાં આવી ન હતી અને સામે નરેશ રામજી માણીયા, અશોક રામજી માણીયા, પોપટ રણછોડ ભાદાણી તથા અરવિંદ ભગવાન લાઠીયા દ્વારા કરવામાં આવતી ખેડૂતો વિરૂધ્ધ ફરિયાદોંને ગેરકાયદેસરની સત્યથી વેગડી અરજીઓ કોઇ જાતના આધાર પુરાવા કે તપાસ કર્યા વિના મંજુર કરવામાં આવી રહી હતી.
નરેશ રામજી માણીયા, અશોક રામજી માણીયા, પોપટ રણછોડ ભાદાણી તથા અરવિંદ ભગવાન લાઠીયા અગાઉ પણ બોગસ ચાલની નોટો છાપવાના ગુનામાં જેલમાં જઈને આવેલ છે પરંતુ આવા વ્યાજખાઉઓને કલેકટર દ્વારા છાવરવામાં આવી રહ્યા છે. ખેડૂતો દ્વારા મુખ્યમંત્રી અમે ગૃહમંત્રીને પણ લેખિતમાં રજુઆત કરવામાં આવી હતી. પરંતુ જો આ અરજી બાદ કોઈ કાર્યવાહી કરવામાં નહીં આવે તો ખેડૂતો દ્વારા મુખ્યમંત્રીની રૂબરૂ મુલાકાત લેવામાં આવશે જો છતાંય કોઈ નિવારણ નહીં આવે તો ખેડૂતો કલેકટર કચેરી સામે અનશન પર ઉતરશે તેવી ચીમકી આપી હતી.
રિધ્ધી પંચાલ, ભરૂચ
