જેસીઆઇ ઇન્ડિયાના રાષ્ટ્રિય અધ્યક્ષ જેએફપી રાખી જૈન ભરૂચ ખાતે મલ્ટી લોમ મુલાકાતે આવ્યા હતા. હોટલ રીજેન્ટા ખાતે તેમનું જેસીઆઇ ભરૂચ અંકલેશ્વર ઝઘડિયા દ્વારા સ્વાગત કરવામાં આવ્યું હતું. તેમની આ મુલાકાતમાં જેસીઆઇ ભરૂચના જગદીશ પટેલ, જેસીઆઇ અંકલેશ્વરના હસમુખ ચોવટીયા અને જેસીઆઇ ઝગડીયાના પ્રતિક પટેલ તેમજ જેસીઆઇ હોદ્દેદારો અને મેમ્બરોએ ભાગ લીધો હતો.
જેસીઆઇ ભરૂચના પ્રમુખ જગદીશ પટેલ અને તેમની ટીમ દ્વારા રાષ્ટ્રિય પ્રમુખની મુલાકાતના કાર્યક્રમનું હોસ્ટિંગ કરવામાં આવ્યું હતું. રાષ્ટ્રિય અધ્યક્ષ સાથે ઝોન-૮ ના પ્રમુખ જેસી ડો.દર્શન મરજાદી, ટુર કો-ઓર્ડિનેટર જેસી હુસેનભાઈ અને જેસી મયુરિકા રાજપૂત પણ મુલાકાતે આવ્યા હતા.જેસીઆઈના વિવિધ કાર્યકમો જેવાકે મેગા સેપલીંગ(છોડ) મફત વિતરણ, ઓનલાઇન ચેસ ટુર્નામેન્ટ, બ્લડ ડોનેશન કેમ્પ, મેડિકલ કેમ્પ વગેરેનું ઉદધાટન રાષ્ટ્રિય પ્રમુખના હસ્તે કરવામાં આવ્યું હતુ. રાષ્ટ્રિય પ્રમુખની આ મુલાકાતથી સંસ્થાના સભ્યોમાં સામાજીક કાર્યો કરવાનો ઉત્સાહ વધ્યો હતો.
ગુલામહુશેન ખત્રી રાજપારડી જિ.ભરૂચ
