ગતરોજ સાંજના સમયે ભરૂચ નર્મદા નદી પરના કેબલ બ્રિજ નીચેથી 2 થી 3 દિવસ અગાઉ જ જન્મેલ બાળકીનો બેહાલ અવસ્થામાં મૃતદેહ મળી આવતા ભરૂચ સી ડિવિઝને તપાસ શરૂ કરી હતી.
ભરૂચ નર્મદા નદી પરના કેબલ બ્રિજ પર ઘણા લોકો ફરવા હરવા આવતા હોય છે તે દરમિયાન બે વ્યક્તિને એક બાળકી મૃત અવસ્થામાં મળી આવી હતી, બાળકી લગભગ તાજેતરમાં જ જન્મી હોવાનું અનુમાન લગાવામાં આવી રહ્યું હતું. બાળકીને ગંભીર અવસ્થામાં જોતા લોકોમાં ભયનો માહોલ સર્જાયો હતો. તેના માતા પિતા કોન છે ? બાળકીની આવી હાલત કોણે કરી..? તેવા અનેક સવાલો ઉભા થતા ચકચાર મચી જવા પામ્યો હતો.
ગંભીર અવસ્થામાં બાળકીને જોઈને આસપાસ ઉભેલા લોકોએ તરત જ ભરૂચ સી ડિવિઝને જાણ કરતા પોલીસનો કાફલો ઘટના સ્થળ પર પહોંચી આવ્યો હતો પોલીસે તરત જ બાળકીનાં મૃતદેહને પોસ્ટમોર્ટમ અર્થે હોસ્પિટલ ખાતે ખસેડવામાં આવી હતી અને તેના માતા પિતાની શોધખોળ શરૂ કરીને વધુ તપાસ હાથ ધરી હતી.
રિધ્ધી પંચાલ, ભરૂચ.
